Turmush — Талас районунун Ак-Коргон айылы 1936-жылы негизделген. Аймактык кабарчы айылдын таржымалы жөнүндө маалыматтарды топтоду.
Аксакалдардын айтымына караганда, айылдын түштүгүндө Сандык-Тоосу жайгашкан. Анын төмөнкү кырларында ак топурак бар. Айылдын аталышы ак топуракка байланыштуу экендиги айтылат.
Экинчи божомолго караганда, айылдын кире беришиндеги көрүстөн мурда чеп болгон. Ал ак топурактан курулгандыктан Ак-Коргон деп аталган экен. Айылдын аты ошондон калган.
Элет Тараз—Талас—Суусамыр унаа жолунун боюнда жайгашат. Ак-Коргон бийик тоолуу айыл болуп эсептелинет. Айыл мурдагы «Бакай-Таш» жылкы заводунун ордунда жайгашкан. Чоң-Кошой суусу айылды экиге бөлүп турат. Жергиликтүү тургундар мал чарбачылык менен алектенишет. Ак-Коргондо орто мектеп, медпункт жана мечит жайгашкан.