Бөлүмдөр
Бейшемби, 14-ноябрь
Жалал-Абад облусуСузак району 27.06.2019 16:59

Сузактагы «Курманбек — кылымдар мурасы» аркасы 7,8 млн сомго оңдолууда

Turmush -  Жалал-Абад облусунун Сузак районунун Ырыс айыл аймагындагы «Курманбек — кылымдар мурасы» деген аталыштагы арканы кайра калыбына келтирүү жумуштарынын 60%ы аткарылды. Бул тууралуу «Табан» ЖЧК курулуш компаниясынын өкүлү билдирди.

Маалыматка караганда, негизги жумуштары аяктап, эми сырдоо жана кафель төшөө жумуштары калган.

«Курманбек — кылымдар мурасы» аркасын реконструкциялоо үчүн 13 млн 215 сомго тендер жарыяланган. Ага 5 компания катышып, «Табан» ЖЧК курулуш компаниясы 7 млн 894 миң сом уткан. Ушул жылдын август айына карата жумуштар аяктап, пайдаланууга берүү пландалган.

Курулуш иштеринин жүрүшү менен 27-июнда өкмөттүн облустагы өкүлү К.Сатыбалдиев, райондун акими Э.Омошев, Ырыс айыл аймагынын башчысы Т.Халилов жана башка жетекчилер таанышып чыгышты.

Курулуш иштери Жалал-Абад облустук өнүктүрүү фондунан жана жергиликтүү бюджеттин эсебинен каржыланган. Облустун жетекчиси жумушту мыйзам чегинде сапаттуу жана өз убагында бүтүрүүнү тапшырды.

Аталган арка 2012-жылы Ырыс айыл аймагынын балансына өткөн. Андан кийин бир жолу реконструкциялоодон өткөрүлгөнүн айыл өкмөт башчысы Т.Халилов билдирди.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×