Бөлүмдөр
Ишемби, 15-декабрь
Жалал-Абад облусуСузак району 30.04.2018 13:52

Сузак менен Жалал-Абад шаарына киргизилген өзгөчө кырдаал режими алынды

Turmush -  Сузак районуна жана Жалал-Абад шаарына киргизилген өзгөчө кырдаал режими алынды. Бул тууралуу ӨКМдин басма сөз кызматы 30-апрелде билдирди.

Маалыматка караганда, 29-апрелде саат 09:30 чамасында Курманбек айыл аймагынын Сары-Булак айылындагы Көк-Арт дарыясынын сол жээгинен болжол менен 1,5 млн метр куб жер көчкүсү сүрүлүп, анын ичинен 48 000 метр куб жер көчкү Көк-Арт дарыясын бөгөп калган.

Учурда топтолгон суу (болжол менен 450 миң метр куб), жер көчкүнү жиреп акырындык менен өз нугу боюнча агууда. Жеринде абалды көзөмөлдөө максатында 5 адамдан (райондук ӨКБдан 1 офицер, гидрометтен 1 кызматкер жана айыл аймактан 3 адам) турган ыкчам топ нөөмөттө турушат.

Мындан сырткары өкмөттүн Жалал-Абад облусундагы ыйгарым укуктуу өкүлүнүн 30-апрелиндеги №153 буйругунун негизинде киргизилген өзгөчө кырдаалдар тартиби алынды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×