Бөлүмдөр
Ишемби, 21-июль
Жалал-Абад

Сузак менен Жалал-Абад шаарына өзгөчө кырдаал режими киргизилди (видео)

Turmush -  Жалал-Абад шаарына жана Сузак районуна өзгөчө кырдаал режими киргизилди. Учурда жер көчкүнүн кесепетинен Көк-Арт дарыясынын агымы толугу менен токтоп, ал кооптуулукту жаратууда.

Аймактык кабарчы билдиргендей, жогоруда түзүлгөн жагдай боюнча өкмөттүн Жалал-Абал облусундагы ыйгарым укуктуу өкүлү Кыянбек Сатыбалдиев облустук ыкчам штаб өткөрүп, тийиштүү тапшырмалар берилди.

Азыркы тапта Сары-Булак айылында өзгөчө кырдаалдар министринин орун басары Равшан Рысбаев, облус башчысы Кыянбек Сатыбалдиев жүрөт. Ал эми өзгөчө кырдаалдар министри Нурболот Мирзахмедовдун да келээри күтүлүүдө.

Бүгүн, 29-апрелде Жалал-Абад облусунун Сузак районундагы Курманбек айыл аймагынын Сары-Булак айылындагы Көк-Арт дарыясынын сол жээгинен болжол менен 1,5 млн метр куб жер көчкү сүрүлүп келип (узуну 320 метр, туурасы 25 метр, бийиктиги 6 мерт) дарыянын суусун жаап калган. Алдын ала маалыматтар боюнча жабыркагандар жана кыйроолор болгон жок.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 5075
Комментарии
Для добавления комментария необходимо быть нашим подписчиком
Көп окулду
×